കേരളപ്പിറവി ദിനത്തോട് അനുബന്ധിച്ചു ഒറ്റപ്പാലം എൻ എസ് എസ് ട്രെയിനിംഗ് കോളേജിലെ പ്രകൃതി ശാസ്ത്ര വിഭാഗം വരാഘോഷ പരിപാടിയായ കലാകേദാരം സംഘടിപ്പിച്ചു. 6/11/2020 വെള്ളി രാവിലെ 10 മണി മുതൽ 11 വരെ ഗൂഗിൾ മീറ്റിലായിരുന്നു പരിപാടി. വിനീഷ ഈശ്വരപ്രാർഥന പാടി കൊണ്ടാണ് പരിപാടി ആരംഭിച്ചത്. പരിപാടിക്ക് സ്വാഗതം പറഞ്ഞത് വർഷയായിരുന്നു. സ്വാഗതത്തിന് ശേഷം സ്നേഹ, ആതിര. ആർ ചേർന്ന് കേരളത്തിലെ ഉത്സവങ്ങൾ എന്ന വിഷയത്തിൽ വീഡിയോ അവതരിപ്പിച്ചു. അതിന് ശേഷം ആതിര. പി സ്വന്തമായി എഴുതി ചിട്ടപ്പെടുത്തിയ 'ഭയം' എന്ന കവിത ആലപിച്ചു. തുടർന്ന് വിസ്മയ. സി മോഹിനിയാട്ടവും, ആതിര ആർ നാടൻപാട്ടും അവതരിപ്പിച്ചു. നാടൻ കലകൾ ഒരു പൈതൃകം എന്ന വിഷയത്തെ ആസ്പദമാക്കി ഷബ്നവും വിസ്മയ .സി യും ചേർന്ന് ഒരു വീഡിയോ അവതരിപ്പിച്ചു. കേരളത്തിലെ പ്രകൃതി നശീകരണത്തെ സൂചിപ്പിക്കുന്ന ഒരു പാട്ട് പിന്നെയും എന്ന കവിത ആര്യ പിജെ അവതരിപ്പിച്ചു തുടർന്ന് അമൃത നന്ദി പറഞ്ഞു 11 മണിയോടെ പരിപാടി അവസാനിപ്പിച്ചു.
