കേരളത്തിന്റെ ജന്മവാർഷികാഘോഷത്തോടനുബന്ധിച്ച് നവംബർ 2 മുതൽ ഒറ്റപ്പാലം എൻ‌എസ്‌എസ് ട്രെയിനിംഗ് കോളേജ് മലയാള വാരാചരണം നടത്തി വരികയാണ്. അതിന്റെ ഭാഗമായി, ഇന്ന് നവംബർ 3 ന് ആംഗലേയ വിഭാഗവും ഭാഷവേദിയും കോളേജ് യൂണിയനും സംയുക്തമായി "ഞാനൊരു മലയാളി" എന്ന പേരിൽ ഒരു പരിപാടി അവതരിപ്പിച്ചു. രാവിലെ 10 ന് പ്രാർഥനയോടെ പരിപാടി ആരംഭിച്ചു. ഇംഗ്ലീഷ് അസോസിയേഷൻ സെക്രട്ടറി ആൽബി ജോസഫ് സ്വാഗത പ്രസംഗം നടത്തി. ഇംഗ്ലീഷ് ഓപ്ഷണൽ വിദ്യാർത്ഥികൾ വ്യത്യസ്ത പരിപാടികൾ അവതരിപ്പിച്ചു. കേരള സാംസ്കാരിക കേന്ദ്രങ്ങളായ കേരള സാഹിത്യ അക്കാദമി, കലാമണ്ഡലം തുടങ്ങിയവയെക്കുറിച്ച് സവിത എംവി പ്രസംഗിച്ചു. മനോഹരവും വർണോജ്ജ്വലവുമായ നൃത്ത പ്രകടനം സുജിത കെഎം അവതരിപ്പിച്ചു. 'പൂരോത്സവം' എന്ന തലക്കെട്ടോടെ അർച്ചന എൻ പി വിവിധ പൂരങ്ങളെ കുറിച്ച് മികച്ച രീതിയിൽ വിവരണം തയ്യാറാക്കി വിശദീകരിച്ചു. 'രുചിയം കഥയും' എന്ന മറ്റൊരു നൂതന പ്രോഗ്രാം ബീന കെ അവതരിപ്പിച്ചു. 'ഇഞ്ചിതൈരു' എന്ന സ്വാഭാവിക വിഭവത്തിന്റെ പിന്നിലെ കഥയും അതിന്റെ സ്വീകാര്യതയും വിശദീകരിച്ചു നൽകി. ദേവിക കെ, ഗായത്രി കെ.എം, മൃദുല കെ.പി എന്നിവർ കേരളത്തെയും മലയാളത്തെയും കുറിച്ച് ആസ്വാദ്യകരമായ ഗാനങ്ങൾ ആലപിച്ചു. അത് പ്രോഗ്രാമിന് ഒരു സിംഫണി നൽകി. ആംഗലേയ വിഭാഗം വിദ്യാർത്ഥികൾ 'ഞാനൊരു മലയാളി' എന്ന ശീർഷകം അന്വർത്ഥമാക്കും വിധം ക്രിയാത്മകമായ ഒരു അവതരണവും നൽകി. കേരളത്തെ കുറിച്ചും മലയാള ഭാഷയുടെ പ്രാധാന്യത്തെ പറ്റിയും ഒരിക്കൽ കൂടി ഓർമിപ്പിച്ചു കൊണ്ട് അധ്യാപകരോടും അനധ്യാപകരോടും വിദ്യാർത്ഥി സുഹൃത്തുക്കളോടും രേവന്ത് മുരളിനാഥ് നന്ദി പ്രകാശിപ്പിച്ചു. വിദ്യാർത്ഥികളും അധ്യാപകരും പരിപാടിയിൽ പങ്കെടുത്തു. 11 മണിയോടെ പരിപാടികൾ അവസാനിച്ചു.