National Bird Day - January 5

 

ഒറ്റപ്പാലം എൻഎസ്എസ് ട്രെയിനിങ് കോളേജിലെ ബേർഡ്സ് ക്ലബ് ഇൻറർനാഷണലിന്റെ 'ബർത്ത് ഡേ പ്ലാൻറ് പ്രോഗ്രാം '.

ജനുവരി 5 ദേശീയ പക്ഷി ദിനത്തോടനുബന്ധിച്ച്  അന്നേദിവസം   ഒറ്റപ്പാലം എൻഎസ്എസ് ട്രെയിനിങ് കോളേജിലെ ബേർഡ്സ് ക്ലബ് ഇൻറർനാഷണൽ ബർത്ത് ഡേ പ്ലാൻറ് പ്രോഗ്രാം എന്ന നവീനമായ ആശയത്തിന്  തുടക്കം കുറിച്ചു. ക്ലബ്ബിൻറെ സ്റ്റാഫ് കോഡിനേറ്റർ ഡോക്ടർ അനു എസ് പരിപാടിയിലേക്ക് ഏവരെയും സ്വാഗതം ചെയ്തു. പരിപാടിയുടെ ഔദ്യോഗികമായ ഉദ്ഘാടനം കോളേജ് പ്രിൻസിപ്പൽ ഡോക്ടർ അമ്പിളി അരവിന്ദ് നിർവഹിച്ചു. ഈ വാരം പിറന്നാൾ ആഘോഷിക്കുന്ന ദേവിക, രേഷ്മ, സ്നേഹ എന്നീ വിദ്യാർത്ഥികൾക്ക് ആശംസകൾ നേരുകയും അവർക്ക് ഫലവൃക്ഷത്തൈകൾ വിതരണം ചെയ്യുകയും ചെയ്തു. ഐ ക്യു എ സി കോഡിനേറ്റർ ഡോക്ടർ കെ എസ് സാജനും എൻഎസ്എസ് വളണ്ടിയർ അരവിന്ദ് മേനോനും പരിപാടിക്ക് ആശംസകൾ അർപ്പിച്ചു കൊണ്ട് സംസാരിച്ചു. നന്ദി പ്രകാശനത്തോടും ശേഷം ദേശീയഗാനത്തോടും കൂടി ഔദ്യോഗിക പരിപാടിക്ക് സമാപനം കുറിച്ചു.

ഇതേത്തുടർന്ന് ബേർഡ്സ് ക്ലബ് ഇൻറർനാഷണൽ സ്റ്റാഫ് കോഡിനേറ്ററിന്റെയും എൻഎസ്എസ് കോഡിനേറ്ററിന്റെയും സാന്നിധ്യത്തിൽ കോളേജ് ക്യാമ്പസിലെ ഒഴിഞ്ഞു കിടക്കുന്ന സ്ഥലത്ത്  വിദ്യാർത്ഥികൾ തങ്ങൾക്കു ലഭിച്ച ഫല വൃക്ഷത്തൈകൾ നട്ടു പിടിപ്പിക്കുകയും ചെയ്തു.                                                       ബർത്ത് ഡേ പ്ലാൻറ് പ്രോഗ്രാമിന് ഫലവൃക്ഷത്തൈകൾ കൈപ്പറ്റിയ വിദ്യാർത്ഥികളുടെ വിവരങ്ങൾ .

ദേവിക -ജനുവരി 8 - മാവിൻ തൈ

രേഷ്മ - ജനുവരി 7  - മാവിൻ തൈ

സ്നേഹ - ജനുവരി 3 - ചാമ്പ തൈ .

io