Human Chain against Drug Abuse

കേരളാ ഗവണ്മെന്റ് ഉന്നത വിദ്യഭ്യാസ വകുപ്പിന്റെ നിർദേശമനുസരിച്ചുള്ള ബോധപൂർണ്ണിമ പരിപാടികളുടെ ഭാഗമായി "ലഹരിക്കെതിരെ മനുഷ്യച്ചങ്ങലയും" അനുബന്ധ പരിപാടികളും ഇന്ന് (01-11-2022) നടത്തുകയുണ്ടായി.

ലഹരിക്കെതിരെയുള്ള ആഹ്വാനവുമായി നടത്തിയ മനുഷ്യ ചങ്ങലയിൽ മുഴുവൻ വിദ്യാർത്ഥികളും അധ്യാപകരും ഓഫീസ് ജീവനക്കാരും പങ്കെടുത്തു. 01-11-2022 കാലത്ത് 11 മണിമുതൽ 11.05 വരെയാണ് എല്ലാവരും ചങ്ങലയിൽ അണിചേർന്നത്. കോളേജ് പ്രിൻസിപ്പാൾ പ്രഫസർ അമ്പിളി അരവിന്ദ് ചങ്ങലയിൽ ആദ്യ കണ്ണിയായി. തുടർന്ന് അധ്യാപകരും വിദ്യാത്ഥികളും ചങ്ങലയിൽ ചേർന്നു. അനുബന്ധമായി നടത്തിയ ലഹരി വിരുദ്ധ പ്രതിജ്ഞ പ്രിൻസിപ്പാൾ വായിക്കുകയും എല്ലാവരും ഏറ്റു ചൊല്ലുകയും ചെയ്തു.

തുടർന്ന് "ലഹരി ഭൂതത്തെ" പ്രതീകാത്മകമായി കത്തിക്കുകയും കുഴിച്ചുമൂടുകയും ചെയ്തു.

വിദ്യാർത്ഥികളിലും കോളേജ് പരിസരത്തെ പൊതു ജനങ്ങളിലും അവബോധം സൃഷ്ടിക്കുന്നതിനും അവരെ ലഹരി വിരുദ്ധ പ്രവർത്തനങ്ങളിൽ പങ്കാളികളാവുന്നതിന്ന് പ്രചോദിപ്പിക്കുവാനും ഈ ബോധവൽക്കരണ പ്രവർത്തനങ്ങൾ സഹായകരമായി.